Ianao mantsy ilay sahy manora-tena
Ho tena Malagasy
mirehaka miteny
Ho Malagasy ray sy reny
Fa angaha moa toa anao daholo ireny ?
Miteny ho’aho ianao
«Tsiparifary sy akotry
No manemitra mandrafitra
Izato teny hafa rafitra
Tsy tsotra tsy mivadi-drafitra
Tenim-boto sy zatovo
Sotaina sy hafangaro
tenin’ny vahiny
Dia sahinao lazaina ankehitriny
fa Gasy ianao iny ?
MANATSIALA